West-Route

West-Route Caravan has started!!!

East-Route

East-Route has started!!!

South-Route

Coming Soon…

SINORAN BIŞKÎNIN Û ROJAVA BIPARÊZIN

Şoreşa Rojava di bin xetereke hebûnî de ye. Serokê rejîma cîhadîst a nû ya Sûriyê Jolanî dixwaze ku Kurd û gelên Bakur û Rojhilatê Sûriyê her tiştî teslîm bikin û Rojava vegerînin rewşek ku jin dihatin kirîn û firotin, dema ku komkujiyên li dijî ol û neteweyên cuda tiştekî rojanê bûn. Niha çarenûsa ku li pêşiya wan e dibe ku hê xirabtir be. Divê hemû destkeftiyên şoreşê, hemû destkeftiyên tevgera jinan, hemû destkeftiyên şehîd û fedakariyên civaka demokratîk ên ku em gihandine vê xalê, pêwîst bên parastin. Şoreşa Rojava şoreşa me hemûyan e, şoreşa Konfederalîzma Demokratîk şoreşa sedsala me ye. Ji bo her kesê li cîhanê ku rûbirûyê tundûtûjiya Şerê Cîhanê yê Sêyemîn e, ev tevger çiraya hêviyê ye. Îro, ji her kesê ku ji bo azadiyê têdikoşe tê xwestin ku em berpirsiyariya xwe ya li hember mirovahiyê bi cih bînin. Çawa ku berxwedana gelêrî ya NO PASARAN! di rabirdûyê de li hev kom bû, divê em careke din hêza gel kom bikin da ku em li hember êrîşên li ser destkeftiyên demokratîk ên gelê Rojhilata Navîn bibêjin na! 

Em, wek gelê ji hemû rêxistin, temen û welatan, bang li her kesî dikin – jin, ciwan, enternasyonalîst, rojnamevan, mamoste, bijîşk, şoreşger, komeleyên navneteweyî û mirovî, her kesê ku dixwaze li hemû herêmên cîhanê jiyaneke azad ava bike, ku bi me re di konvoyekê de werin ser sînorên Rojava. Ev sînorên ku ji aliyê rejîmên otorîter ve hatine danîn, niha ji her alî ve tên şikandin, ji ber ku gel bi lez û bez diherikin da ku piştgiriya xwe ji bo hemû gelên Bakur û Rojhilatê Sûriyê nîşan bidin. Em niha diçin ser sînorê Kobanê, sembola dîrokî ya berxwedana li dijî DAIŞê ku di sala 2014an de ji aliyê jin û mêrên wêrek ve hat rizgarkirin, ku niha hatiye dorpêçkirin û careke din di bin xetereya dagirkirina ji aliyê çeteyên Îslamîst ên faşîst ve ye. 
Em bang li her kesî dikin ku li ber deriyê bajarê xwe kom bibin û beşdarî karavanên me yên ber bi Kurdistana me ve bibin. Her kes divê li herêma xwe dest bi înîsiyatîfa xwe bike da ku mirovan kom bike û beşdarî vê hewldanê bibe an jî piştgiriyê bide. Pêdiviya me bi piştgiriya her civakê, li her gund û bajarê Ewropayê heye. Ev tê wateya rexistinkirina lojîstîk, xwarin, alîkariya tenduristiyê, otomobîl û kamyonan. Her wiha, pêwîst e hûn bi civakên li herêmên xwe re bikevin têkiliyê da ku agahiyan li ser rewşê belav bikin û tevbigerin. Veguhestina medyayê amade bikin, li cihên ku em di wan re derbas dibin xwepêşandan û konferansên çapemeniyê plan bikin da ku li cihên hevdîtinê yên konvoyan tev li me bibin. Divê em iradeya xwe ji hemuyan bidin zanîn. Ev înîsiyatîf aîdî hemû mirovan e – divê em hemû hêza xwe ya afirîner û demokratîk bi kar bînin. 

Em gelek kom, kes û herêmên cuda ne ku beşdarî vê hewldanê dibin, ji ber vê yekê plansazî û koordînasyoneke baş pêwîst e. Heger hûn dixwazin beşdar bibin, piştgiriyê bidin, an jî ji bo serkeftina vê karwanê di karên din de alîkariya me bikin, ji kerema xwe bi rêya Signal li ser @caravankobane.15 an jî +49 1521 4782023, an jî bi e-mailê li ser KobaneCaravan@proton.me bi me re têkilî daynin!